Somnium de victoria Germanicum
ex improviso abruptum -
Incertus iudex certaminis nullus custos legum lusoriarum -
Germanicis viris erat
minor pedifollica ars, lusoria consilia nimis simplicia
Hodie pedifollicus grex Germanicus domum redibit, quia illi non contigit fortissimos Paraquariae lusores in ultima decertatione - in singulari spectaculo Bostonensi - vincere ac superare.
Clade turpi accepta populus Germanicus gregi Claviviri favens doluit dolereque pergit. Nam post victoriam a tribus gregibus turmae E reportatam plurimis Germanis magna spes fuerat adversarios ex civitate Meridianae Americae a claris lusoribus Germanicis non solum Europaeum, sed etiam mundialem principatum vindicantibus vinci posse. Frustra erat ea spes. Quidem ille offensor Havertz vocatus intra alteram partem certaminis pilam in alienorum portam pepulit et eo ictu discrimen ludi differre potuit, sed postremo singulis ictibus utriusque gregis, qui undecim gradus a porta adversaria absentes fiunt, res magna decreta est. Tres Germaniae viri defecerunt et erraverunt, cum solum duo lusores Paraquariae per pilam finem non invenirent. Ita grex Germanicus victus est.
Sed dubium non est, quin ab hoc tempore multi faventes de ingenio rectoris exercitationum et de arte nonnullorum lusorum disputare incipiant, sed eventum incertum est.
Text: F. Müller-Abbass
Mit dem Ausscheiden der deutschen Mannschaft aus dem Turnier endet unsere Serie der lateinischen Spielberichte. An dieser Stelle danken wir alle Herrn Müller-Abbass für seine Bereitschaft!
(Bild KI-generiert)